O CENSO EXTERIOR. CIRCUNSCRIPCION UNICA.(IV)

(eleccionesgallegas2009.blogspot.com)

Xornal. Unha das solucións apuntadas dende os grandes partidos para paliar as clamorosas carencias do voto exterior pasa por crear unha circunscrición que, a xeito dunha nova provincia, permita que os emigrantes elixan os seus propios deputados.Esta posibilidade, defendida polo Psoe na subcomisión que, dentro da Comisión Constitucional do Congreso dos Deputados, estuda as posibles reformas da Lei de Réxime Electoral Xeral(LOREX), obrigaría a, entre outras modificacións, un cambio na Constitución e tamén a profundas variaciónsna asignación de escanos e, por extensión, no reparto de forzas no Congreso e nos parlamentos autonómicos. Tomando como referencia os actuais 75 deputados que conforman a Cámara Galega e, atendendo ao sistema de asignación de escanos establecido na Lei de Eleccións ao Parlamento de Galicia, a introdución dunha nova circunscrición significaría engadir unha “quinta provincia” ao reparto que tería, na actualidade, 334.087 habitantes, case tantos coma Ourense ou Lugo.Así, a provincia da Coruña pasaría de elixir 24 deputados a contar con 19, Lugo contaría con 13 fronte aos 15 actuais, Ourense pasaría de 14 a 13, Pontevedra só optaría a 17 fronte aos 22 actuais e, a nova circunscrición, estaría presente con 13 parlamentarios,os mesmos que as provincias lucense ourensá. Se un sistema coma este estivese en vigor nas elección autonómicas de 2005, o actual panorama político mudaría de cor. Cuns resultados idénticos aos de hai catro anos, o PPdG acadaría 38 deputados, isto é, a maioría absoluta, o PSdG contaría con un máis que na actualidade, chegando aos 26, e o BNG sería o gran perxudicado, ficando en 11 actas parlamentarias.